I Am Mavis

話說有一日好想食避風塘抄蟹~咁我就迫毛爸搵比我食~
點知誤打誤撞就去左呢間~雖然冇避風塘抄蟹,不過一樣好食~

呢間野冇記錯GA就係叫做駒記,定係呢個驅?唔記得喇~
我D中文真係每況愈下~本來已經差,而家更差, 哈哈!!!

首先係呢個抄辣蟹,好夠味~又濃GA香草味~唔中意食香草GA就叫第2款喇
又唔算係好辣,我都食得到~如果中意辣就叫佢加D辣啦~
唯一唔好就係D蟹腳~抄到D肉走晒~
但係就好平喎~2隻蟹,好似$100都有找!!!

呢碟抄聖子係出乎意料咁好食~
肉汁豐富、夠獲氣、而且仲滑過我塊面呀,哈哈!!!!
又平,又好味~呢個係我GA推介!!!餸飯一流!!!

呢個焗蜆我同毛爸見好多人食,又係佢GA推介先叫,
但係呢碟就真係一般喇,酒味太重,而且有D燶同乾,
都係D抄野好食~同埋呢個要等好耐架

我同毛爸叫左2個白飯,又飲酒,又飲汽水,我就唔記過幾錢喇,
不過應該就200- 250 ,大家不妨一試,建議食D抄野~~!!!
下次除左想食SEAFOOD,仲想食D肉~試下佢D抄功^^

P.S.  講起SEAFOOD, 有冇人想去布袋澳食呀,一圍12人都係1000多~
即係每人100多D~有好多野食架~~哈哈~~
成日都冇人同我同毛爸一齊癲,哈哈!!!!搵唔夠人呀!!
仲可以同狗仔行山去架~~
好想去食呀~~如果唔係我同毛爸就要自己去喇........
2個人最多食倒4碟野咋~~~唔夠皮呀!!!